დასრულდა Castello-ს დელეგაციის სამუშაო ვიზიტი "მილანის რიგით 61-ე ავეჯის საერთაშორისო გამოფენაზე - Salone del Mobile Milano 2023", რომელიც მრავალრიცხოვანი პარტნიორების განსხვავებული სტილისტიკის მქონე სტენდების, პავილიონების, Pop-Up ექსპოზიციების, ბრერას დიზაინერულ რაიონში /Brera Design District/ მდებარე ფლაგმანური შოურუმებისა თუ ქალაქის მასშტაბით გაბნეული არტ-ინსტალაციების მონახულების, მოწინავე ტრენდების და კოლექციების ათვისებისა თუ ახალი ბრენდების დამატების გარდა, უმთავრესწილად ეძღვნებოდა კომპანიის ტრადიციად ქცეული ესთეტიური კვლევების და ინსპირაციული შთაგონების, თანამედროვე ავეჯის მაღალი მოდის ინდუსტრიაში არსებული Know-how-სა თუ ინოვაციური ტექნოლოგიების აღმოჩენას, რითაც Castello ყოველწლიურად ანებივრებს თავის მომხმარებლებსა და ვიზიტორებს.

წლევანდელი Fiera იმითაც იყო საინტერესო, რომ მის ფარგლებში პარალელურად იმართებოდა Euroluce 2023-ის სახელწოდებით ცნობილი დღემდე არნახული მასშტაბის მქონე განათების დღესასწაული, რომელზეც წარმოდგენილი არტისტული ექსპოზიციების მრავალფეროვნებამ გადააჭარბა ყოველგვარ მოლოდინს.

ასევე, არანაკლებ საინტერესო იყო Salon Satellite 2023-ის რიგით 24-ე გამოშვება (Training and Design of the Future), რომლის ფარგლებშიც საერთო ჯამში წარმოდგენილ იქნა 31 ქვეყნის 35 წლამდე ასაკის 550 ნიჭიერი დიზაინერის ნამუშევარი და 28 საერთაშორისო დიზაინერული სკოლის ფუტურისტული პროექტი, რამაც ნოყიერი ნიადაგი შეუქმნა ბიზნესის წარმომადგენლებს დაემყარებინათ საქმიანი კავშირები განსხვავებული ხედვის მქონე ახალგაზრდა ტალანტებთან განსაკუთვრებული დიზაინის (Exceptional Design) ინდუსტრიის დარგში.

შესაბამისად, ჩვენი დელეგაციის ყურადღებაც წინა წლებისგან განსხვავებით უფრო მეტად იყო აქცენტირებული თანამედროვე ილუმინაციის სეგმენტისკენ, რაც წარმატებულად დაგვირგვინდა კიდეც 3 ახალი ექსკლუზივის გაფორმებით მოცემულ სფეროში მოქმედ განსაკუთრებული სტილის მქონე კომპანიებთან. 

ზოგადად შუქი, როგორც კრეატიული დიზაინის სამსახურში მყოფი ინსტრუმენტი გარდასახავს ტექნოლოგიას და ცხოვრების კულტურას ავანგარდულ შთაგონებაში, ილუმინაციური შინაარსის რაფინირებულ ქანდაკებებსა და ეგრონომიულ სისტემებში. ზუსტად ამ Motto-ს მატარებელი თანამედროვე განათება გამოჩნდება Castello-ს სივრცეში ორიოდე თვეში და დაამშვენებს ჩვენი ერთგული მომხმარებლების სახლებს.

ისე კი, ავეჯის გამოფენის პარალელურად მიმდინარე Euroluce 2023-ის სივრცეში განლაგებული მრავალი საინტერესო არტ-ინსტალაციის გამოკვეთილი ტრენდი იყო - გადამუშავებული მასალებისგან შექმნილი ახალი (უნიკალური) ტექსტურისა და რთული ფორმების მქონე განათებები.

როგორც მოგეხსენებათ, დიზაინი გახლავთ ინსტინქტის დონეზე არსებული ცხოვრებისეული გატაცება, ერთგვარი სიამოვნების განცდის მომგვრელი დისციპლინა, რომელსაც არ გააჩნია ლინგვისტური ბარიერი და აერთიანებს განსხვავებული კულტურისა თუ ეთნო-კონფესიური წარმომავლობის მილიონიბით ადამიანს. ასე მოხდა, მილანის ავეჯის 61-ე გამოფენაზეც, რომელმაც 4 დღის მანძილზე თავი მოუყარა ერთ უზარმაზარ სივრცეში დიზაინის მოყვარულ ასობით ათას ადამიანს, რათა კრეატივის, ესთეტიკისა და ინოვაციის წყურვილით გაეზიარებინათ ერთმანეთისთვის ამ გატაცების სიყვარული.