პატრისია ურქუილა 1961 წელს დაიბადა ოვიედოში, ესპანეთში. ამჟამად ცხოვრობს და მუშაობს მილანში. დასრულებული აქვს არქიტექტურის ფაკულტეტები, ჯერ მადრიდის, შემდგომ კი მილანის პოლიტექნიკურ უნივერსიტეტებში. ამ უკანასკნელში მისი ხელმძღვანელი იყო აკილე კასტილიონი, 1989 წელს. 2001 წელს კი მან დაარსა საკუთარი დიზაინერული სტუდია, სადაც მუშაობს დიზაინის, ინსტალაციებისა და არქიტექტურის მიმართულებით.
მისი არქიტექტურული პროექტები მოიცავს ორ ლაქშერი ტიპის სასტუმროს - Mandarin Oriental Hotel-ს ბარსელონაში და W Retreat & Spa-ს ვიეკესში (პუერტო რიკო); ვილას უდინში; სცენოგრაფიას მონტევერდის ოპერაში - „პოპეას კორონაცია“; ჰერმესის, ჯანვიტო როსის, ვალენტინოს, მაქს მარას, ეიჩენდემის შოურუმებსა და ინსტალაციებს და Pitti Immagine Firenze-ს საერთო კონცეპტს. მან წარმოადგინა მარმარილოს ნამუშევარი Art 41 Basel-ზე. რაც შეეხება დიზაინს, ის მუშაობს ისეთი ბრენდებისთვის, როგორიც არის Agape, Alessi, Andreu World, Artelano, Axor, B&B Italia, Bart Design, Bisazza, BMW, Bosa, Chevalier Edition, Il Coccio, De Padova, De Vecchi, Driade, Emu, Fasem, Salvatore Ferragamo, Flos, Foscarini, Gallotti & Radice, Gandia Blasco, Glass Italia, Kartell, Kettal, Kvadrat, Mixing Media, Maurice Lacroix, Liv'it, Peter Mabeo, MDF Italia , Molteni, Moroso, Mutina, Olivari, Panasonic, Paola Lenti, Rosenthal, Champagne Ruinart, San Lorenzo, Tronconi, Viccarbe. ასევე, კონსულტაციას უწევს ჰონდას და ელჯის. მან მოიგო არაერთი საერთაშორისო ჯილდო. მისი არაერთი პროდუქტი გამოფენილია მუდმივი კოლექციის სახით MoMA-ში - ნიუ იორკში და სხვა მუზეუმებში. სოლო გამოფენა ჰქონდა Feria Hábitat Valencia-ში, 2010 წელს.