მ.წ. 15 ნოემბერს Castello-ს მულტიბრენდული ავეჯის, განათებისა და აქსესუარების შოურუმში გაიმართა ახალი ექსკლუზიური ბრენდის MONOGRAPHY by Bruno Zampa-ს ოფიციალური პრეზენტაცია და მოწყობილი ე.წ. "კუთხის ექსპოზიციის" (Corner Exposition) ჩვენება ქართველი დიზაინერებისთვის.

ამ მიზნით თბილისში ორ დღიანი სამუშაო ვიზიტით იმყოფებოდნენ კომპანია BRUNO ZAMPA-ს და MONOGRAPHY SENSUAL HOME-ის ექსპორტ მენეჯერი ქ-ნი Elena MENEGHELLO და სააგენტო ARMTRADE-ის მმართველი პარტნიორი ქ-ნი Albina MUSINA. 

პრეზენტაციის მსვლელობისას შოურუმში საგანგებოდ მოწყობილ დიდ მონიტორზე ნაჩვენები იქნა კორპორატიული ფილმი, რომელიც მოგვითხრობს ახალგაზრდა ბრენდის დაარსებისა და ევოლუციის ისტორიას, თითქმის საუკუნოვანი ტრადიციების მქონე კომპანია BRUNO ZAMPA-ს ბაზაზე ვენეტოს რეგიონში, მისი ორიგინალური, ხშირ შემთხვევაში რეტრო სტილის დიზაინით გამორჩეულ კოლექციაზე, იკონურ ნამუშევრებზე, არტ-მიმართულებაზე, საწარმოო სიმძლავრეებსა და საფასო პოლიტიკაზე. 

დამსწრე საზოგადოებას, CASTELLO-ს გუნდის შემადგენლობას და დიზაინერულ წრეებს წარედგინათ MONOGRAPHY-ის პროფესიონალურად დაკომპლექტებული ფინიშინგების, ქსოვილების და ტყავების, მეტალის, ხისა და შუშის ნიმუშების სვოჩები, რომელთა სელექციაც და ფართო ასორტიმენტიც წარმოადგენს ცალკე საუბრის თემას. განხილულ იქნა კატალოგები, ფასები და წარმოების უპრეცედენტოთ მოკლე ვადები.

როგორც განაცხადა თავის სიტყვაში ბრენდის ექსპორტ მენეჯერმა Elena MENEGHELLO-მ კომპანიას თავისი იტალიელი კონკურენტებისგან უპირველეს ყოვლისა გამოარჩევს წარმოების რეკორდულად მოკლე 1 თვიანი პერიოდი, რაც იმას ნიშნავს რომ CASTELLO-ს შოურუმში შეკვეთის გაფორმებიდან ზუსტად თვენახევარში მომხმარებელი მიიღებს თავის პროდუქციას, რაც სეგმენტში ჩახედული ექსპერტები დაგვეთანხმებიან, რომ წარმოადგენს უპრეცედენტო ვადას იტალიის შემთხვევაში. ამასთან ერთად, ხაზგასმით აღინიშნა MONOGRAPHY-ის ტრენდული დიზაინი, რომელზეც ზრუნავს მსოფლიო მასშტაბით აღიარებული Bernhardt & Vella-ს დიზაინერული ბიურო, რომლის ინსპირაციულ ხელწერასაც განეკუთვნება მრავალი საკულტო მოდელი ისეთ სახელგანთქმულ კომპანიებში, როგორიცაა: Arflex, Artemide,  Calligaris, Natuzzi, Potocco, Rugiano, Fabian და სხვა.

ბრენდის დიზაინის, საწარმოო სიმძლავრეების, საფასო პოლიტიკისა და პოტენციალის სიღრმისეული განხილვის შემდეგ სტუმრებს მიეწოდათ ინფორმაცია CASTELLO-ს შოურუმში 2025 წლის პირველ კვარტალში დაგეგმილი MONOGRAPHY by Bruno Zampa-ს 2 ახალი ზონისგან შემდგარი მუდმივი ექსპოზიციის განთავსებასთან დაკავშირებით, რომელშიც წარმოდგენილი იქნება როგორც საძინებელი, ისე მისაღები ოთახის ავეჯის კოლექცია, რაც შოურუმში არსებულ კუთხის ექსპოზიციასთან კომბინაციაში (2 საკულტო სავარძელი Aramis და ინოვაციური მასალით დამზადებული ტრენდული კოქტეილის მაგიდების სეტი) შექმნის საცხოვრებელი სახლის სრულფასოვან ინტერიერს.

შეხვედრის მიწურულს დელეგაციის მიერ აღინიშნა, რომ MONOGRAPHY როგორც თითქმის საუკუნოვანი არტიზანული ტრადიციების მქონე BRUNO ZAMPA-ს ბაზაზე აღმოცენებული ახალი ბრენდი განასახიერებს თანამედროვე იტალიურ მიდგომებისა და დახვეწილი დიზაინერული სტილის სიმბიოზს თავისი კოლექციის ყოველ ცალკეულ კომპონენტში, პატივს სცემს უზარმაზარ ისტორიულ მემკვიდრეობას და მუდმივად მიისწრაფის ბრწყინვალებისადმი. იზიარებს სილამაზის უჩვეულო განსაკუთრებულ ხედვას ინსპირირებულს მაცდური ფორმებით, რომელშიც რაციონალიზმი და ესთეტიკა სრულ თანხვედრაშია მარადიული დიზაინისა და ალქიმიური პროპორციების ნორმებთან.

დღეიდან, CASTELLO-ს მომხმარებლებს აქვთ უნიკალური შესაძლებლობა უმოკლეს დროში (1,5 თვე) ადგილზე მიიღონ საუკეთესო არტიზანული ტრადიციებით დამზადებული და 85 წლიანი ისტორიის მქონე BRUNO ZAMPA-ს ქარხანაში აწყობილი თანამედროვე სტილის ავეჯი ინსპირირებული ტრენდული რეტრო აქცენტით ოპტიმალურ ფასად, რაც მნიშვნელოვანი მონაპოვარია სხვა იტალიური ავეჯის მწარმოებელი ქარხნებისგან განსხვავებით, რომელთა პროდუქციის ლოდინიც მომხმარებელს ხშირ შემთხვევაში უწევს 3-4 ან მეტი თვის განმავლობაში.

CASTELLO-ს სახელით 2025 წლის მარტიდან გელით Monography by Bruno Zampa-ს ექსკლუზიური ავეჯის მასშტაბური ზონის გახსნის საზეიმო ცერემონიალზე. 

www.monography.it - Monography by Bruno Zampa 

www.brunozampa.it - We don't make luxury, we craft it

მ.წ. 10 ნოემბერს Castello-ს მულტიბრენდულ შოურუმში იხსნება ცნობილი ამერიკელი დიზაინერის JONATHAN ADLER-ის მასშტაბური ექსპოზიცია, რომელშიც თავმოყრილია თანამედროვე ამერიკული გლამურის სახელწოდებით ცნობილი არტ-ობიექტები, მაღალი ხარისხის პრიალა და უბერებელი მატისებრი ფაიფურისგან დამზადებული ორიგინალური ვაზები, ვინტაჟური სტილის ბარის კონტეინერები, აზარტული თამაშების ტრენდული სეტები, სურეალისტური და აბსტრაქტული ქანდაკებები, აკრილის ინოვაციური მასალისგან დამზადებული ნივთები და ცნობილი მწერლის, მეთუნისა და გემოვნებიანი დიზაინერის Jonathan Adler-ის საკულტო კოლექციების ყველაზე თვალსაჩინო ნაკეთობები. 

როგორც მანამდე ვიუწყებოდით, წარმოებული მოლაპარაკების პროცესის შედეგად, Castello გახდა მსოფლიო მასშტაბით ცნობილი, განსაკუთრებით კი ამერიკულ საზოგადოებაში უაღესად პოპულარული ბრენდის ოფიციალური-ავტორიზებული დილერი საქართველოში, რასთან დაკავშირებითაც ჩვენს ინტერიერულ სივრცეში მოეწყო ბრენდის საკულტო ნაკეთობების კოლექციისგან შემდგარი მასშტაბური ექსპოზიცია, სადაც დომინირებს როგორც ორიგინალური სასაჩუქრე, ისე დეკორის, სურეალისტური და აბსტრაქტული ხელოვნების ისეთი იშვიათი ნიმუშები, როგორიცაა: ვინტაჟური სტილის Vice-ის სასადილო კონტეინერების სერია, ფრანგი მწერლის, ფოტოხელოვანისა და კუბიზმის ფუძემდებლის პაბლო პიკასოს თანამგზავრის Dora Maar-ის პერსონაჟით შთაგონებული ფაიფურის ვაზები, ამერიკელი არისტოკრატის, მოდელისა და ლეგენდარული Andy Warhol-ის მუზად ცნობილი Edie Sedgwick-ის მშვენიერი სხეულით ინსპირირებული დეკორატიული ნაკეთობები, დიზაინერული ფაიფურის ჭიქები თუ სახვითი ხელოვნების მრავალი ტრენდული ატრიბუტი.   

აქვე გვსურს გაცნობოთ, რომ JONATHAN ADLER-ის აქსესუარების შეძენა ჩვენს მომხმარებლებს შეუძლიათ როგორც შოურუმში ადგილზე, ისე შეკვეთით.

გაიფერადეთ ინტერიერი თანამედროვე ამერიკული დეკორით, რომლის ყოველი ცალკეული ნივთის მიღმაც დგას არანაკლებ საინტერესო ისტორია. 

აჩუქეთ და გაუზიარეთ ახლობლებს ახალი გლამურული სუბ-კულტურა (MODERN AMERICAN GLAMOUR), რომელმაც ამერიკის დიზაინერულ და პროფესიონალურ წრეებში უკვე მოიპოვა სათანადო აღიარება რაშიც სიამოვნებით აღმოგიჩენენ დახმარებას ჩვენი კვალიფიციური მენეჯერები.

2024 წლის 29 თებერვალს Castello-ს მულტიბრენდული ავეჯის, განათებისა და აქსესუარების შოურუმში გაიმართა იტალიური Novamobili-სა და Spazio Italia-ს წარმომადგენელთა სამუშაო ვიზიტი, რომლის ფარგლებშიც ბრენდის კომერციული დირექტორისა და სტუმრების მიერ დათვალიერებულ იქნა Novamobili-ს პირველი ოფიციალური ექსპოზიცია, Castello-ს მესვეურთა და დამსწრე დიზაინერთათვის მიწოდებულ იქნა დეტალური ინფორმაცია კომპანიის საწარმოო სიმძლავრეების, ძლიერი მხარეების, საპროექტო მიმართულებებისა და ინოვაციების შესახებ. ნაჩვენები იქნა კორპორატიული დოკუმენტური ფილმი Novamobili-სა და ზოგადად მისი მფლობელი Battistella Group-ის შესახებ.

დღეიდან, ჩვენს მომხმარებლებს Novamobili-ს მეშვეობით ეძლევათ შესაძლებლობა ოპტიმალურ ფასად ეზიარონ როგორც დახვეწილი იტალიური ცხოვრების ხელოვნებას, ისე კრეატიულად გააფორმონ თავიანთი ინტერიერის ნებისმიერი კუთხე გემოვნებიანი, მრავალფუნქციური მოდულური სისტემებით, ზუსტად იქ სადაც საჭიროება მოითხოვს.

Welcome to the World of Arketipo Firenze - "კასტელო"-ს ინტერიერულ სივრცეში გაიმართა ქართველ დიზაინერთა პირველი გაცნობითი შეხვედრა მაღალი სეგმენტის იტალიური ავეჯის ინდუსტრიის აღიარებული ლიდერის Arketipo Firenze-ს მესვეურებთან, რომლის ფარგლებშიც განხორციელდა პირდაპირი ჩართვა ფლორენციიდან. დამსწრე საზოგადოებასა და სტუმრებს ონლაინ კონფერენციის ფარგლებში სიტყვით მიმართეს ბრენდის მფლობელმა ლორენცო კატელანმა და კომერციულმა დირექტორმა ვიქტორია გერასიმოვამ. 

გაცნობითი შეხვედრისა და კითხვა-პასუხის შემდეგ სტუმრებისთვის გაიმართა "კასტელო"-ს შოურუმში არსებული Arketipo-ს მუდმივი კოლექციისა და განახლებული ექსპოზიციის ჩვენება. 

2023 წლის 13 ივლისს, "კასტელო"-ს მულტიბრენდულ შოურუმს სამუშაო ვიზიტით ეწვია ახალი ექსკლუზიური ბრენდის LIU-JO LIVING-ის ოფიციალური დელეგაცია - კომპანიის საზოგადოებასთან ურთ. დეპარტამენტის უფროსის Luca BRIGANTI-ს და Artur FEDENKO-ს ხელმძღვანელობით, რომლებმაც ბრენდის ექსპოზიციის ოფიციალურ გახსნასთან დაკავშირებით "კასტელო"-ს მენეჯერებსა და სამეურნეუ-ტექნიკური სამსახურის წარმომადგენლებს ჩაუტარეს ტრეინინგი. ასევე მიაწოდეს ინფორმაცია კომპანიის ისტორიის საწარმოო სიმძლავრეების, მომავალი გეგმებისა და ფეშენ ინდუსტრიის აღიარებული ბრენდის LIU-JO GLOBAL-ის შესახებ.

14 ივლისს "კასტელო"-ს ინტერიერულ სივრცეში გაიმართა LIU-JO LIVING-ის წარმომადგენელთა შეხვედრა ქართველ დიზაინერებთან, რომლის ფარგლებშიც გაიმართა ბრენდის ოფიციალური წარდგენა და შოურუმის 4 ზონისგან შემდგარი ექსპოზიციის პრეზენტაცია. ნაჩვენები იქნა კორპორატიული ფილმი, რომელიც მოგვითხრობს კომპანიის ევოლუციის ეტაპებსა და მოდის ინდუსტრიიდან ავეჯის სეგმენტში ტრანსფორმაციის პროცესზე. 

მ.წ. 20 მაისს, შაბათს Castello-ს მულტიბრენდული შოურუმის სივრცეში, საღამოს 19.00 სთ. დაგეგმილია ნიჭიერი ახალგაზრდა მხატვრის - ბექა ელიზბარაშივილის პერსონალური გამოფენის "Breathe In" ოფიციალური გახსნის ცერემონია, რომლის ფარგლებშიც შოურუმის განსხვავებულ დონეებზე განლაგებულ მოლბერტებზე წარმოდგენილი იქნება მისი 35-მდე ნამუშევარი. ექსპოზიცია მოქმედი იქნება ყოველ დღე დილის 11.00-დან საღამოს 20.00 საათამდე 1 თვის მანძილზე 2023 წლის 20 ივნისამდე და ნებისმიერ მსურველს ექნება მისი დათვალიერების, მათ შორის მისი ნამუშევრების ადგილიდან შეძენის შესაძლებლობაც.