Alfredo Haberli for Moroso, 2003. Drawing is like a taking a line for a walk (Paul Klee). დიზაინერული სავარძელი დამუშავებული მეტალის კარკასით.
გამოკვეთილად მასკულინური ხაზის მატარებელი ამ მოდელის დიზაინი უკავშირდება ჩვენი ბავშობის ემოციურ ტრიგერებს და მოგვაგონებს სპორტული ავტომანქანის, თვითმფრინავების ან საზღვაო ხომალდის კაპიტნის სავარძლის პროტოტიპს. ერთგვარი ნიჟარა, რომელიც გიცავს და ამავდროულად განიჭებს კომფორტის საოცარ განცდას, აღტაცებას. შენ ხარ სამყაროს მმართველი, მოწყვეტილი გარე ფაქტორებისგან, როგორც სპორტქარის მძღოლი. იდეალური ადგილის განსამარტოვებლად.
Pacific by Moroso. Patricia Urquiola, 2021. ლეგენდარული პატრისია ურქიოლას მიერ Moroso-ს დაკვეთით შემუშავებული სავარძელი უზრუნველყოფს დასვენების ინტიმურ გარემოს, რომელიც გვაგონებს ერთგვარ დამცავ და მომადუნებელ გარსს. თავისი მომრგვალებული, უგაბარიტო ფორმებით მას უნებლიედ გადავყავართ ამერიკის დასავლეთ სანაპიროს მშვიდ გარემოში, საიდანაც იგი იღებს თავის სახელწოდებას.
Pacific გახლავთ დიზაინერის მიერ 2010 წელ Redondo-ს საკულტო კოლექციით დაწყებული ინსპირაციული პროცესის გარკვეული გაგრძელება. "ეს გახლავთ კოლექციის ევოლუცია, რომელმაც ბოლო წლებში ინოვაციური მასალების გამოყენების დამსახურებით მოიპოვა საკმაოდ დიდი წარმატება" ხსნის კომპანიის არტ-დირექტორი და დიზაინერი პატრისია ურქიოლა. "Pacific-ის მოდელში ჩვენ უფრო დიდ ყურადღებას ვაქცევთ ფორმას, უხვი და მრუდი ხაზების განვითარების ხარჯზე".
Pacific-ის კოლექციაში აკრძალულია მყარი გვერდები, ხოლო რბილი ფორმები და კონტური გამოკვეთილია ე.წ. "haute coutiour" დეტალებით, ხოლო, რბილი ბეწვის სარჩული საგანგებოდ იქნა შერჩეული სასიამოვნო ტაქტილური ემოციების გამოსაწვევად. სავარძელი ასევე ხელმისაწვდომია დახვეწილი ბუკლეს, ბეწვისა და მდიდრული ხავერდის კონფიგურაციაშიც.