ტელ.: 591 037878 / 032 205 44 11
მის.: თბილისი, დ. აღმაშენებლის ხეივანი 40
დიზაინერები
დაი სუგასავა

1977 წელს დაბადებული - დაი სუგასავა გახლავთ იაპონელი დიზაინერი, რომელიც 2005 წ. საყოველთაო აღიარების მქონე Christophe Pillet-სთან კოლაბორაციის შედეგად გადასახლდა პარიზში. 

2010 წ. პარიზში, იგი აფუძნებს საკუთარი დიზაინერულ-არქიტექტურული მიმართულების სტუდიას და ახორციელებს უამრავ პროექტს მსოფლიო მასშტაბით, სადაც მას ეძლევა იაპონურ კულტურასთან მჭიდრო კავშირში მყოფი თავისი ნამუშევრების მთელი სიმდიდრის გამოვლინების შესაძლებლობა .

ამ ყველაფერს კი ნიჭიერი დიზაინერი აკეთებს თანამედროვე სტილისა და ტექნოლოგიური დიზაინის საოცარი კომბინირების საშუალებით.

იმავე წელს Johny Ives ეპატიჟება მას კომპანია Apple-ის დიზაინერთა გუნდში აშშ-ს ქ. კუპერტინოში.

თუმცა, საბოლოოდ, იგი იღებს გადაწყვეტილებას რომ განავითაროს საკუთარი სააგენტო და მაქსიმალურად გამოავლინოს თავისი შესაძლებლობანი დიზაინის, ტექნიკური ესტეთიკისა და არქიტექტურის დარგებში.

მის ერთ-ერთ ბოლო ნამუშევარს წარმოადგენს 2015 წ. ქ. პარიზში გახსნილი ელეგანტური გასტრონომიული სტილის რესტორანი Le Clos Y.

ასევე, მის ხელწერას განეკუთვნება 2018 წ. Walter Knoll-ის დიზაინ კოლექციაში გამოსული სკულპტურული მაგიდების Ishino Tables-ის ავტორობა და მრავალი სხვა საინტერესო პროექტი. 

ფრონტი

სოფია ლაგერკვისტი და ანა ლინდგრენი შვედური დიზაინ ჯგუფი „ფრონტის“ წევრები არიან.

მათი შრომები ეფუძვნება ხშირ განხილვას, აღმოჩენებსა და ექსპერიმენტებს. ისინი აქტიურად არიან ჩართული ყველა ეტაპზე - პროექტის იდეიდან საბოლოო პროდუქტამდე.

„ფრონტის“ დიზაინერული ნივთები ხშირად ესაუბრება დამკვირვებელს დიზაინის პროცესის, იმ მასალების, რომლითაც არის შექმნილი, ან დიზაინის სფეროში არსებული კონვენციების შესახებ.

მათ შემოქმედებაში დიზაინის ნაწილი შთაგონებულია ცხოველებით, კომპიუტერებითა და მანქანებით. 

მათი ნამუშევრები ხასიათდება სტილის მუდმივი ცვლილებით; მათ შექმნეს „ფეთქებადი“ ნივთები, რობოტული აქსესუარები და ავეჯის სერიები, რომელიც მათი მაგიისადმი გატაცებით არის შთაგონებული.


ანდრეა ბრანცი

არქიტექტორი და დიზაინერი ანდრეა ბრანცი 1938 წელს ფლორენციაში დაიბადა. იქვე დაასრულა უმაღლესი. 1973 წლიდან ცხოვრობს და მუშაობს მილანში.

1964 წლიდან 1974 წლამდე პერიოდში ანდრეა Archizoom Assosiates-ს ჯგუფის წევრი იყო; იმ პირველი საერთაშორისოდ ცნობილი ავანგარდული ჯგუფის, რომლის პროექტებიც დღესდღეობით პარმას უნივერსიტეტის კვლევით დაწესებულებასა და კომუნიკაციების არქივში ინახება; მისი თეზისი და რამდენიმე პროექტი კი ჟორჟ პომპიდუს ცენტრშია დაცული, პარიზის ცენტრში.ანდრეა ბრანცი არის Domus Academy-ის თანადამფუძნებელი, რომელიც პირველი საერთაშორისო პოსტ-ლაურეამის დიზაინის სკოლაა; ის არის რამდენიმე წიგნის ავტორი, დიზაინის ისტორიისა და თეორიის შესახებ. ასევე კურირებდა არაერთ დიზაინერულ გამოფენას იტალიაში და მის ფარგლებს გარეთ. 1987 წელს მოიპოვა “Compasso D’oro”-ს ჯილდო.

ამჟამად ის არის პროფესორი და  მილანის პოლიტექნიკურის ინტერიერისა და პროდუქტის დიზაინის დეპარტამენტის დირექტორი.


რიჩარდ ჰატენი
პოლანდიური პლეადის დიზაინერთა კიდევ ერთი თვალსაჩინო წარმომადგენელი - რიჩარდ ჰატენი დაიბადა 1967 წ. 30 მარტს ჰოლანდიის Overijsel-ის პროვინციის ქ. ცვოლესთან ახლოს.
1991 წ. იგი ამთავრებს ეინთჰოვენის დიზაინის აკადემიას და აფუძნებს სტუდია @richardhuttenstudio-ს. ხოლო, 1993 წ. ხდება ცნობილი კრეატიული Droog Design-ის კოლექტივის თანადამფუძნებელი, რომელმაც თავისი დაარსების დღიდან მოყოლებული შეცვალა ჰოლანდიაში ზოგადი მიდგომა დიზაინისადმი. 
რ. ჰატენი ცნობილია პროფესიულ წრეებში თავისი კონცეპტუალურ-იუმორისტული დამოკიდებულებით საქმისადმი, ერთგვარი მოტოთი "No Sign of Design Furniture" ან "Functional Furniture in a Conseptual and Humoruos Style" 
დღეისთვის, იგი გახლავთ ინდუსტრიაში ერთ-ერთი გავლენიანი დიზაინერი და სახელოვან მარსელ ვანდერსთან ერთად ინაწილებს ჰოლანდიური პლეადის ყველაზე გამორჩეულ დიზაინერთა საპატიო სტატუსს, რისი ნათელი მაგალითიცაა მის მიერ შექმნილი ფუჟერის (Mug Dombo) დიზაინი, რომლის გაყიდვებმაც მსოფლიო მასშტაბით გადააჭარბა 1 მილიონს.
მის დამკვეთებს შორის არიან როგორც სხვადასხვა ქვეყნის სახელმწიფო კორპორაციები, ისე ავეჯის ინდუსტრიის ლიდერი საერთაშორისო კომპანიები, როგორიცაა: Moroso, Moooi, Offecct, Skultuna, Muji, Artifold, Gispen და ა.შ. ხოლო, მის ნამუშევრებს შეხვდებით მსოფლიოს წანყვან 40-მდე მუზეუმში. 
ნიკა ზუპანკი

პროდუქტის და ინტერიერის დიზაინერის Nika Zupanc-ის სახელმა საყოველთაო საერთაშორისო აღიარება მოიპოვა ცნობილი Moooi-ის მიერ მისი სანათის Lolita-ს გამოშვებისთანავე.

2008 წ. მან დაარსა თავისი დიზაინერული სტუდია და მას შემდეგ მოღვაწეობს როგორც დამოუკიდებელი დიზაინერი, რომელიც მუდმივად ჩართულია აქტუალურ პროექტებში, რომლებიც თავის მხრივ აშკარად სცილდება თანამედროვე კულტურის, დიზაინისა და ხელმისაწვდომი ტექნოლოგიური შესაძლებლობების სტანდარტული ინტერპრეტაციის ფარგლებს.

მისი ნამუშევრები შეყვანილია ისეთი ცნობილი ავეჯის მწარმოებელი კომპანიების კოლექციებში, როგორებიცაა: Moooi, Qeeboo, Se, Moroso და Nobius. ასევე, მისი სახელი მუდმივად ფიგურირებს  მსოფლიოს დიზაინის სამყაროში პრესტიჟული დამკვეთების მიერ შესრულებულ სპეციფიურ პროექტებსა და ინსტალაციებში. ხოლო, მისი ლიმიტირებული კოლექციები და ინსტალაციები ექსპონირებულია მსოფლიოს მრავალ წერტილში, ხშირ შემთხვევაში როგორც წარმატებული ჰაიენდ კოლაბორაციის შედეგი, როგორც იყო მაგალითად Rossana Orlandi-ის შემთხვევაში.

ამავდროულად, Nika Zupanc მუდმივად აგრძელებს მუშაობას მისი სახელით გამომავალი კოლექციების განახლებაზე თავისი ბრენდით. 

იჯი სტუდიო ასოშიატი

განათების დიზაინის საკონსულტაციო სტუდია Studio EG დაარსებულ იქნა 2012 წელს მმართველი პარტნიორის Ellie Greisen-ის მიერ. განათების ინდუსტრიაში მოღვაწეობის 10 წლიანი გამოცდილებისა და ისეთ ცნობილ დიზაინერებთან კოლაბორაციის შემდეგ, როგორებიც არიან John Bullock, Equation and Lighting Design International მან გადაწყვიტა დაეარსებინა საკუთარი ბიზნესი, რომელიც მისცემდა მას საშუალებას მაქსიმალურად გამოევლინა თავისი შემოქმედებითი პოტენციალი და ინდივიდუალური-პერსონიფიცირებული მიდგომა ინდუსტრიისადმი. დიზაინ სტუდიის დაარსების შემდგომ მან მეგობრულად განწყობილ მრავალ ნიჭიერ დიზაინერთან თანამშრომლობის წყალობით დაიწყო სწრაფი პროგრესირება, შეინარჩუნა კომპანიის მცირე მასშტაბები, რამაც საბოლოო ჯამში მისცა მას საშუალება შეეთავაზებინა თავისი კლიენტებისთვის მაღალი დონის კრეატიული და ინდივიდუალური სერვისი.

სტეფანო ჯოვანიონი
1954 წ.  იტალიის ქ. ლა სპეზაში დაბადებულმა სტეფანო ჯოვანიონიმ დაამთავრა ფლორენციის უნივერსიტეტის დიზაინისა და არქიტექტურის ფაკულტეტი, სადაც მისი მოძღვარი იყო სახელოვანი ბუტი.
1980-იანი წლების დასაწყისში იგი Guido Venturini-სთან ერთად  King-Kong Production Group-ის სახელწოდებით უკვე აფუძნებს დიზაინერულ სტუდიას. მისი ფეთქებადი ტალანტი აძლევს მას საშუალებას ხორცი შეასხას ე.წ. "აფექტური კოდების" კომპლექსურ სისტემას საკუთარ პროექტებში. აღნიშნული მიდგომის წყალობით, 90-იანი წლების დასაწყისში მას სამართლიანად მიენიჭა იტალიის "Super & Popular" დიზაინერის სტატუსი. 
მისი მასშტაბური პროექტები იწყება 1989 წელს იმავე #GuidoVenturini-სთან ერთად იტალიური Alessi-სთვის გამოშვებული კოლექციით "Girotondo" და1993 წ. პლასტმასის მასალისგან დამზადებული ტრანსპარენტული ობიექტების პირველი ექსპოზიციით "Family Follows Fiction" სახელწოდების სერიიდან. შემდგომ წლებში (1984-85) უკვე ტიტულოვანი სტეფანო იწყებს თანამშრომლობას Ettore Sostass-სთან და Alchimia-Mendini-სთან, ასევე, იტალიური ავტოინდუსტრიის, დიზაინისა და ტექნიკური ესტეტიკის სფეროში მოქმედ ისეთ ცნობილ კომპანიებთან, როგორიცაა: Fiat, Alessi, Bisazza, Moooi, Magis, Veneta Cucine, Tubes, Vondom, Pulsar და სხვა. ხოლო, თავისი კარიერის ყველაზე კულმინაციურ ეტაპზე აფუძნებს კომპანია Qeeboo-ს, რომელიც საერთაშორისო ასპარეზზე ცნობილია ფეშენ დეკორისა და #hautecouture აქსესუარების წარმოებით, რომლის ექსკლუზიური დილერიც საქართველოში გახლავთ Castello.
ბოლოს აღსანიშნავია, რომ ს. ჯოვანიონი ცნობილია, როგორც 300-ზე მეტი მეტალისა და პლასტმასის პროდუქტის დიზაინის ავტორი მსოფლიოში #Alessi-ის #Girotonda-ს სერიით თავში, რაც გახლავთ თანამედროვე დიზაინის ინდუსტრიის ისტორიაში აბსოლუტური რეკორდი 10 მლნ.-ზე მეტი ერთეულის რეალიზაციით.
კრისტინა სელესტინო

კრისტინა სელესტინო 1980 წელს პორდენონეში დაიბადა. 2005 წელს დაასრულა IUAV-ის უნივერსიტეტი ვენეციაში ძლიერი არქიტექტურული უნარებით და მუშაობა დაიწყო რამდენიმე არქიტექტურულ სტუდიაში, მანამ, სანამ სრულად გადაიტანდა ყურადღებას არქიტექტურასა და ინტერიერის დიზაინზე.  2009 წელს გადავიდა მილანში, სადაც დააარსა მისი დიზაინერული ბრენდი, “Attico”-ს სახელით, რომელიც აწარმოებს სანათებსა და ავეჯს, რომელთათვისაც დამახასიათებელია მასალების ღრმა კვლევა და გამორჩეული ფორმები.

2012 წელს კრისტინა შეირჩა “Salone Satellite”-ში მონაწილეობის მისაღებად. ამ გამოცდილების საფუძველზე “Attico”-ს პროდუქცია გასცდა საზღვრებს და მოხვდა საერთაშორისო გალერიებსა და შოურუმებში. “Seletti”-ის მიერ წარმოებული “Atomizers” პროდუქტი მილანის ტრიენალეს მუზეუმის იტალიური დიზაინის მუდმივი კოლექციის ნაწილია. მისი საქმიანობა ამჟამად მოიცავს ლიმიტირებული კოლექციების შექმნას დიზაინერული გალერიების, მუზეუმისა და გამორჩეული ბრენდებისთვის. 2016 წელს კრისტინას Salone del Mobile-ზე ჟიურის სპეციალური პრიზი გადაეცა.


ჯუზეპე რესტანო

ჯუზეპე რესტანო აპულიური წარმოშობის არტისტი, მხატვარი, ილუსტრატორი და დიჯეია. 90-იან წლებში მან დააარსა საკუთარი ატელიე ფლორენციაში, ორი დეკადის განმავლობაში უკავშირდებოდა კარგად ცნობილ არტ-გალერიებს და მკვიდრდებოდა იტალიური მხატვრობის თანამედროვე სცენაზე.

მისი სახელი აგრეთვე ცნობილია იმით, რომ მან გააკეთა დიდი რაოდენობის პირადი და კოლექტიური ევროპული გამოფენები, და მოიპოვა პუბლიკაციები ისეთ მთავარ სექტორულ ჟურნალებში, როგორიც არის Flash art, Sign, Contemporary, Celestial theme. ამჟამად ჯუზეპე ცხოვრობს და მუშაობს მილანში, სადაც მას სახლში განთავსებული სტუდია აქვს, სადაც ქმნის ფერწერულ ილუსტრაციებს ყველაზე ცნობილი ბრენდებისთვის, საერთაშორისო ასპარეზზე.